Farewell CIT : A last tribute

Due to popular demand am writing this on the blog :

Vo tha ek nirala din

jab aaye kuch log yahan,

kismat ne unhe milaya tha,

Bada haseen bahana tha....

kaise kata vo din,kaise beeti voh raat,

par ek doosre ke liye vo ban gaye saugat

CIT mein ye naya naya dostana tha

bada haseen bahana tha...

khane mein roz aaloo mile,

magar kare bhi to kya kare

ek hafta kahan gaya,

humko toh pata na chala,

kaisa yeh ajeeb bahana tha...

Na sudhare hum..ghissupanti se rahe koson door

Gam ko hawa mein uda kar..hamne maze kiye bharpoor

jo shuru hua tha silsila usse toh badana tha

bada haseen bahana tha..

Aaj.....

hume is kaafile ko chod ke jaana hai

tumhe hum panchiyon ko udana hai

itni kadi kasauti par apni dosti ko aazmana hai

kaisa yeh haseen bahana hai...

yaad aayenge woh jatin ki philosophy ya adi ka guitar

woh amit ke nit bhopal ke kisse ya nitish ki gaadi mein movie dekhne ke bahane

woh gaurav ka seedhapan ya vamsi ke dialogue

woh puneet ki policy ya AT ka roz badalta pyaar

woh amit ka kuch na kehna ya aashish ka phone pe hi lage rahna

woh dhanashekhar ki dabi haasi ya bhavani ki interrogation

woh amit ke roz badalte number ya sangam vihar se sim activation ke pange

woh anshu ka samjhana ya pooja ka daantna

woh vasudha ki haasi ya divya ke expression

woh sumit ka 1st step se rings daalna ya kanpur waale aashish ki raat mein baate sunna

woh shuchita ki word power ya somnath ki awaaz

woh mulayam bhaiya ki mahabharat ya puneet bhaiya ki bindaas movies

woh sarin ka kabhi kabhi aana ya richa mam ka roz hi aa jaana

woh manish se news poochna ya kapil se projector mangwana

woh shiva aur joydeep se gaane sunna ya mohan rao se zabar dasti baat karna

woh patro sir ka lecture ya cad/cam class ka ghamasaan

woh areeb khan ke walking/talking burger case study ya PMG sir ki 80 slide ki presentation..

woh raat mein cricket khelna ya chupan chupaayi mein gaurav ke khatarnaak ideas dena...

woh hpl ke kisse ya raat raat bhar apne hi baare mein sochne ki dikaate

yaad to saare ayenge yeh cheeze...par

gum kitna he jala le,khushiyan hum barsayenge

dosti hai,mazaak nahi jo hawa mein uda ke bhool jayenge

shayad apni dosti ko misaal banana hai

bada haseen bahana hai..

yaad karne ki zaroorat na padegi..

aap toh sada dil mein hi rahenge

aakhir..dooriyon mein nazdeekiyon ko bhi toh aazmana hai

bada haseen bahana hai..

umeed karte hain,ek chota sa hissa yahan ka hum bhi rahenge

CIT ke kisson mein kabhi hamare bhi aks milenge

shayad aisa naa bhi ho..magar dil ko toh hume samjahan hai

bada haseen bahana hai

khayal rakhna..khushiyon ka manzar naa thame

har rahne vale ka dil CIT mein rame

apna kya hai..aaj yahan kal vahan chale

kuch nahi diya,yaadon ke khazane bhar le chale

HASEEN LOGON KI SUNHERI YAADON KA NAZRANA LE KAR JAANA HAI

bada haseen bahana hai.....

AAJ

Har gam se beparvah ho kar

jhoomo naacho gayo deewane ban kar

jaane se pehle har ek pehloo ko jo aazmana hai

bada haseen bahana hai....

Came here as strangers only to part as frenz ever...hope life brings success galore at everyone's doorstep!!!!!!!!!!!!!